Nagtuo ang ekonomistang si Diwa Guinigundo, kanhi deputy governor sa Bangko Sentral ng Pilipinas (BSP), nga padayong muhinay ang paglambo sa ekonomiya karong tuiga.
Dugang pa niini, mihagsa ang pagsalig sa mga lokal ug langyaw nga kapitalista gumikan sa nagkagrabeng isyu sa korapsyon ug pagdumala.
Lisod kuno kining mapabalik hangtod nga dili matubag sa gobyerno ang problema sa korapsyon.
Subay sa datos sa Asian Development Bank, milambo ang ekonomiya sa nasud ug 5.6% kaniadtong 2024 ug gilauman nga mutaas sa 6.0% sa 2025 ug 6.1% sa 2026.
Samtang mas konserbatibo ang pagbana-bana sa International Monetary Fund nga 5.5% growth sa 2025 ug 5.9% sa 2026.
Bisan paman nagpabiling usa sa pinakapaspas milambo sa Southeast Asia ang Pilipinas, nagpabiling hagit ang pagpabalik sa pagsalig sa mga kapitalista.
Kung ugaling dili masulbad ang korapsyon, mamahimong dili matuman ang optimistic forecast sa kalibutanong institusyon.
