DAVAO CITY – Gilaumang musaka pa sa mga investments dinhi sa Davao Region karong tuig 2023 gumikan sa ubay-ubay nga pagbangon sa pangkinatibuk-ang ekonomiya sa tibuok kaibutan nga gipahapa sa mga epekto sa pandemya.
Gikanayon sa report nga gisumite ni National Economic Development Authority Davao director Maria Lourdes Lim, pipila sa mga gilaumang investments ang pagpalig-on sa local public-private partnerships, mga paningkampot sa gobyerno nga mamahimong international logistics hub ang Davao Region; ug ang pagdeklara sa rehiyon gikan sa Regional Development Council 11 isip Tourism and Investment-Ready Destination.
Dugang ni Lim nga nakab-ot ang P6.2 billion nga local ug foreign investments gikan sa P2.4 billion nga kantidad sa susamang panahon sa miaging tuig. Gilangkuban ang mga rehistradong investments sa mga industriya; elektrisidad; administrative and support service activities; manufacturing; transportation; ug real estate.
Samtang, makabangon sab gumikan sa pandemya ang mga micro, small, and medium enterprises kon MSMEs sa nasud.
via || Bombo LJF
