DAVAO CITY – Gikatakda karong Marso 6 hangtud 8 ang pagpadala ug mga kanhi rebelde, ug NPA supporters sa Mindanao ngadto sa Malacañang.
Ikatulo nga batch kini sa mga kanhi kaaway sa kagamhanan nga gi-imbitahan ni Pangulong Rodrigo Duterte alang sa panihapon ug educational tour.
Nasayran gikan kang Major Ezra Balagtey, tigpamaba sa Eastern Mindanao Command (EastMinCom) nga mokabat ngadto sa 205 ka mga kanhi NPA members ug mga masa ang gisakay ngadto sa C-130 Cargo Plane sa Philippine Air Force (PAF) padulong sa kaulohan.
Isip pasalamat kini ni Pangulong Rodrigo Duterte sa mga nahisgutan sa pagsuporta niini sa mga programa sa kagamhanan alang sa kalinaw.
Dunay kinatibuk-an nga 683 ka mga kanhi supporters sa mga NPA ang gidapit ni Pangulong Duterte sa Malacañang sukad niadtong Desyembre 21, tuig 2017.
