Nabalaka ang City Health Office (CHO) human masuta nga mikunhod ang kinatibuk-ang life expectancy o gitas-on sa kinabuhi sa mga Davaoeño, base sa bag-ong datos sa syudad.
Matod pa ni Elizabeth Banzon, ang labaw sa Nutrition Division sa CHO, kasagaran na lang sa mga residente ang naga-abot og 40 hangtod 60 anyos ang kinabuhi, layo ra sa naandan nga average lifespan sa mga Pilipino nga anaa sa 70 hangtod 75 anyos.
Giila sa buhatan nga ang hinungdan sa maong pag-ubos mao ang dili maayong dietary habits o pagpili sa pagkaon, ug ang taas nga lebel sa stress nga giatubang sa daghang tawo karon.
Gi-emphasize ni Banzon ang kamahinungdanon sa pag-amuma sa lawas pinaagi sa maayong lifestyle practices lakip ang hustong tulog, regular nga pahulay, ehersisyo, ug pagkaon og mga pagkaon nga sustansya sama sa prutas, gulay, ug mga pagkaong walay daghang preservatives.
Tingali, aron mapugngan pa ang dugang pa-ubos sa kinabuhi sa mga tawo, giplano sa CHO ang paglusad og mga community-based health seminars, nga naglangkob sa pag-edukar sa katawhan labot sa preventive health care ug healthy living.
Giduso usab sa lokal nga kagamhanan ang panawagan ngadto sa tanang Davaoeño nga magsugod og mga positibong lakang aron malikayan ang lifestyle diseases, ug mapalungtad ang kinabuhi sa matag pamilya.
