Mupahigayon ug concert ang English singer nga si Ed Sheeran sa Kingdom of Bhutan.
Gumikan niini, gikunsedera ang nahisgutan nga siya lamang ang unang Western singer nga mupahigayon ug concert sa Bhutan.
Pagahimuon kini sa Enero 24, 2025 sa Changlimithang Stadium sa Thimphu, ang capital sa Bhutan.
Sa social media account niini, mitimbaya ang nahisgutan “Kuzuzampola!” o “hello” sa pulong nga English.
Kaniadtong dekada 70, gisugdan sa Buddhist monarchy sa Bhutan ang pag-abre nila sa kalibutan.
Ang mga turista nga gustong mubisita sa nahisgutang nasud ang gipabayad ug $100 matag adlaw, isip suporta sa mga Bhutanese public education.
Makaplagan ang Bhutan tali sa China ug India ug gipabilin niini ang pagka-low profile sa international.
Sa wala pa ang concert sa nahisgutang stadium ni Sheeran, ang katapusang panghitabo nga gihimo sa lugar mao ang kasal ni King Jigme Khesar Namgyel Wangchuck ug Queen Jetsun Pema niadtong 2011.
