Nag-atubang karon si Vice President Sara Duterte ug 15 pa ka mga tawo sa mga kaso nga plunder ug graft tungod sa sumala pa sayop nga paggamit sa ₱612.5 milyon nga confidential funds.
Kagahapong adlawa nagduso ang mga lider sa civil society ug usa ka koalisyon sa mga pari ug human rights advocates ug lain-laing kaso nga kriminal, lakip na ang bribery, malversation, graft and corruption, Culpable Violation of the Constitution, ug betrayal of public trust sa Office of the Ombudsman.
Gidala sa maong buhatan ang nagtapun-og nga mga ebidensya gamit ang usa ka L300. Matod ni Fr. Flavie Villanueva, ang Bise Presidente ang angay magpasabot kung asa gayud napadumong ang confidential funds sa Department of Education (DepEd).
Gidugang pa ni Villanueva nga dayag ang gitawag niini ang paglikay sa responsibilidad sa pagtubag alang sa katawhan ang bise Presidente, ilabi na sa pagdungog sa House Committee on Good Government and Public Accountability niadtong 2024.
Tungod niini, matod pa niya, padayon nga nasamok ang tinuod nga espiritu sa public service.
