DAVAO CITY – Gilaoman sa Eastern Mindanao Command (Eastmincom) nga makab-ot nila ang target nga ihap sa mga personahe nga mabakunahan batok covid-19.
Nasayran nga kapin usa ka libo sab sa nagkadaiyang han-ay sa Eastmincom ang plano nga bakunahan sa duruha ka adlaw nga vaccination nga gipahigayon sulod sa ilang kampo sa Naval station sa Camp Felix Apolinario sa Panacan ning dakbayan.
Gikanayon maka-relax ang mga magpabakuna gumikan kay gihimo sab kini daplin lamang sa kadagatan ug duol lamang sab sa ilang hospital.
Gipili sumala pa nila nga sa gawas himuon ang vaccination roll out kini aron mas daghanan pa sa ilang mga personahe ang mabakunahan.
Samtang nagpadayag sab sa iyang dakong pagpasalamat si Col. Felomino Carreon, labaw sa Naval reserved center sa Eastmincom nga anaa na ang bakuna gumikan kay dakong tabang kini aron nga ma-protektahan ang kaugalingon batok covid-19.
