DAVAO CITY- Mas gipalig-on karon sa City Disaster Risk Reduction and Management Office ang pagmuntar og early warning system dinhi sa syudad.
Alayon kini sa sunod-sunod nga mga pag-ulan nga natigayon sa dakbayan diin maoy hinungdan sa pagsaka sa lebel sa tubig sa mga kasapaan.
Gipasalig sa hepe sa Operation and Warning Division sa CDRRMO nga si Rodrigo Bustillo, nga padayon ang ilang ginalusad nga meetings ug koordinasyon sa pipila ka mga hingtungdang ahensya aron sa paspas nga aksyon panahon sa kalamidad.
Ning kasamtangan, adunay unom ka mga monitoring cameras ang gibutang sa mga major rivers, partikular na sa may Talomo, Matina, tamugan, Bunawan, ug Lasang rivers.
Samtang aduna usab 21 ka mga siren ang nakaandam na kung ugaling adunay abiso sa pagpahikling sa mga residente.
Paghangyo sa opisyal ngadto sa katawhan nga dili magmagahi panahon sa mga pagbaha ug gilayong mutuman na lamang sa mga otoridad aron malikay sa mga dili maayong insidente.
