Pagasugdan ni Pinay tennis star Alex Eala ang 2026 Indian Wells tournament sa usa ka pamilyar nga kalaban.
Makigsangka kini kang Dayana Yastremska sa round of 64 sa California, nga magsugod sa buntag sa Sabado, oras sa Pilipinas.
Nasayran nga nakasulod si Yastremska sa second round human niining mapildi si Zhang Shuai.
Diretso usab sa second round ang 20-anyos nga si Eala tungod kay nakadawat siya og first-round bye sa WTA 1000 tournament.
Niadtong miaging tuig, napildi ni Eala ang Ukrainian tennis star sa Eastbourne Open quarterfinals.
Nasayran nga adunay daghang titulo na si Yastremska, lakip ang pagkadaog sa Hong Kong 2018, ug pagkahuman sa usa ka tuig, nagkampeon usab kini sa Hua Hin ug Strasbourg.
Samtang, ang gitarget ni Eala mao ang pag-usab sa pagkadaog pagkahuman sa iyahang Guadalajara title sa 2025.
