DAVAO CITY – Tubagon nila ni Pangulong Rodrigo Duterte ug Senador Bong Go ang tanan nga galastohan lakip na ang pagpalubong sa unse ka bulan nga batang si Eren Cresologo nga taga-Cagayan de Oro City nga gitabangan sa duha ka mga opesyal sa pagpatambal ug pagpa-opera sa India.
Namatay ang biktima gumikan sa komplikasyon ug paghi-abot dinhi sa Davao kagabii gitagbo nila ni Pangulong Duterte ug Senador Go sa wala pa gidayon ang biyahe pabalik sa CDO.
Si Eren ang unse ka bulan pa lamang nga bata nga nagbaton sa sakit nga biliary artesia, nga midaut sa atay sa biktima.
Ang pasyente anak sa sundalong si Erne Crisologo sa Philippine Army.
Nasayran nga usa pa ka bata nga gikan sa Taguig ang napadala sab sa India ug milampus ang gipahigayon nga operasyon.
Samtang lain pang bata ang hangtud karon gitambalan pa sa India.
