DAVAO CITY – Gimonitor na karon ang kahimtang sa duruha ka mga pasahero nga sakay sa sweeper flight nga miabot sa siyudad kagahapong adlawa human nga nabagsak ang mga nahisgutan sa gipahigayon nga health screening.
Una ng gibutyag ni Davao City Mayor Inday Sara Duterte – Carpio nga wala niya gipadaplin ang posibilidad nga adunay mga pasahero nga magpositibo kini tungod gikan ang mga nahisgutan sa kaulohan nga sagad taas ang ihap sa kaso sa Covid-19.
Sa kasamtangan anaa sa Southern Philippines Medical Center (SPMC) ang duruha ka pasahero human nga gipailalom sa swab testing.
Una na sab nga gibutyag ni Mayor Inday nga sa kasamtangan, bastante pa ang supply sa Rapid Diagnostic Test (RDT) apan kung moabot ang panahon nga magkulang na kini, posibleng Health screening na lamang ang himuon ug wala nay gamiton nga RDT.
Tipik lamang ang pahayag sa Mayor tungod kay daghanan pa nga mga na-stranded gikan sa laing nga lugar ang laoman nga mouli dinhi sa dakbayan.
