DAVAO CITY – Padayon pa gihapon ang imbestigasyon sa double murder nila Attorney Sitti Gilda Mahinay-Sapie ug ni kanhi Panamao, Sulu Mayor Muhaimen Mohammad Sapie niadtong milabayng bulan.
Sa pakighinabi sa Bombo Radyo ngadto kang Davao City Police Office Chief Police Colonel Kirby John Kraft, gibarugan nila nga sniper ang mipusil sa magtiayon subay sa ilang inisyal nga imbestigasyon.
Gipalapdan na usab nila ang pagtuki sa kaso pinaagi sa pag-imbestiga na usab sa mga sakyanang miagi sa maong dapit tungod posible nga gigamit usab ang usa sa mga niini sa sniper.
Gikumpirma usab nga 5.56 mm X 45 mm ang bala nga gigamit sa sniper.
Miangkon si Kraft nga ang wala pagkatino sa mga saksi sa kung kinsa ang mipatay sa magtiayon ang usa sa mga nagapalisod sa pagsulbad sa maong kaso.
Apan, gibutyag usab ni Kraft nga posibleng dili lang usa ka sniper ang mibaril sa magtiayong Sapie.
Samtang, nagpabilin gihapon ang duha ka inisyal nga anggulo sa krimen nga land disputes ug bangi sa homeowners association sa Solariega
