DAVAO CITY – Gidayeg matud pa ni Drivers United for Mass Progress and Equal Rights-Philippine Taxi Drivers Association kon DUMPER Partylist Rep. Claudine Diana Bautista-Lim ang mahimong consolidation sa mga operators ug drivers sa mga pampublikong sakyanan mahitungod sa polisiya sa Department of Transportation.
Gihatagan sab og diin ni Bautista nga dili talikdan sa panggamhanan ang saad niini nga tabangan ang mga drayber ug operator.
Usa sa mga nag-unang rason sa paglusad og transport strike ang ilang takus nga dili pag-uyon sa laraw nga PUV Modernization Program diin ma-phase out na ang mga tradisyonal nga jeepneys sa nasud.
Sumala pa sa representante, uyon ang grupo sa unang gikanayon ni Pangulong Bongbong Marcos ug DOTR nga kinahanglang hisgutan ang implementasyon sa PUV Modernization Program.
Busa, adunay ipahigayon nga Committee Hearing on Transportation sa kongreso pipila ka adlaw gikan karon. Gikatakda sab siya nga makipagkita kang DOTr Secretary Jaime Bautista ug uban pang opisyal sa buhatan aron hisgutan kon paunsaon pa nga bag-uhon ang maong programa.
Dugang pa ni Bautista-Lim nga duna pud lahing diskusyon uban ang kalihim sa DOTr aron ipresenta ang mga proposals sama sa pagpalit og mga locally-made modernized jeeps gawas sa importasyon, pagdalit og malungtarong financing terms ug pagpataas sa subsidiya.
Maghatag sab ang partylist og laing hugna sa libreng sakay kon ugaling madayon ang laraw nga transport strike.
Si Rep. Claudine Diana Bautista-Lim, anak ni Davao Occidental Gov. Claude Bautista.
via || Bombo LJF
