Naligid sa bakilid ang usa ka dumptruck nga adunay sakay nga mga trabahante nga construction workers sa usa ka baranggay sa munisipalidad sa Caraga, Davao Oriental kaganihang buntag.
Subay sa inisyal nga report sa ga otoridad, nahitabo ang disrasya sa Kabusilayan, Sitio, Panlaisan, Brgy. Pichon, Caraga Davao Oriental pasado alas Otso kaganihang buntag. Gumikan sa maong panghitabo, adunay daghan nga nanga-angol nga gipangdala sa balay tambalanan.
Samtang adunay lima sumala pa ang nakabsan sa kinabuhi nga karon padayon pa nga ginaila ang mga biktima. Nasayran nga adunay sakay nga napulo ka mga trabahante lakip na ang drayber sa maong truck nga gipanag-iyahan sa Legacy Construction Company nga padulong pagtrabaho sa karsada.
Sa inisyal nga imbistigasyon, nawad-an ang break ang nasampit nga truck atol sa paglatas sa palugsong nga bahin nga karsada. Sa pagkakaron nagpadayon pa gihapon ang imbistigasyon sa mga otoridad kabahin sa maong panghitabo.
