Dako ang pagtoo sa usa ka coach sa boxing nga “lutong macau” ang resulta sa nakalabay nga dula ni Carlo Paalam batok sa pambato sa Australia nga si Charlie Senior.
Kahinumduman nga nahimong dakong isyu sa kadaghanan ang desisyon sa mga judges alang sa men’s boxing 57kg quarterfinals tungod matud pa sa pagpabor sa pambato sa Asutralia bisan paman sa gipakita nga maayong performance ni Paalam.
Sumala pa ni Oscar Agape, Jr., coach sa boxing nga base sa iyang obserbasyon ug pabalik-balik nga paglantaw sa dula, si Carlo matud pa ang lamang ug angayan nga makaabanse sa laing round.
Pagpaklaro pa niini nga posibleng aggressive lamang lantawon ang kalaban niini apan ang kamatuoran, pipila lamang ang mga pag-igo nini rason nga dako gayud matud pa siya og pangutana isip usa ka coach.
Dugang pa ni Agape nga bisan gani ang mga yanong indibidwal ang pangutan-on, daog gihapon sa dula si Paalam.
Hinoon, dako na matud pa og pasidungog nga nabuhat ang mga atletang pambato sa Pilipinas nga nirepresenta sa bisan unsang events sa Paris Olympics.
Sa pikas nga bahin, dako sab og kumpyansa ang nahisgutan alang sa pagkab-ot ni Aira Villegas sa bulawang medalya sa mosunod niining dula gumikan sa ginapakita niining kusog, presence of mind, ug nindot nga estratehiya.
