DAVAO CITY – Nakapa-issue na ug 493 ka mga Alien Employment Permit ang DOLE 11 ngadto sa mga langyaw nga trabahante karong tuiga.
Gikanayon ni DOLE-11 chief Randolf Pensoy nga adunay striktong pagpatuman ug employment regulatory services alang sa paghatag ug AEP aron mapanalipdan ang kaayuhan sa mga Filipino workers ug gikatahong pagsaka sa mga foreign illegal workers sa rehiyon.
Sumala sab sa datos nga nahipos sa buhatan, nasa 85.2% o 420 ka mga foreign workers ang nakabase karon sa Davao Region, nga gilangkuban sa mga Indian, Chinese, Indonesian, Japanese ug Pakistani nationals.
Samtang operations managers, marketing officers ug electrical specialists ang mga nag-unang trabaho sa mga langyaw nga trabahante.
Gikabutyag sab ang pagsaka sa ihap sa mga foreign workers sa rehiyon ug 44% nga naisyuhan ug Alien Employment Permit.
Ang mga aplikasyon sa AEP gi-file sa DOLE regional office nga adunay hurisdiksyon sa trabahuan sulod sa 10 ka adlaw gikan sa petsa sa pagpirma sa kontrata o sa wala pa magsugod ang pagpangempleyo.
Ilawom sa Article 40 sa Labor Code of the Philippines, gihatagan ug nasangpit nga permit ang mga foreign workers nga magtrabaho sa mga Philippines-based employers sulod sa unom ka bulan.
via || Bombo LJF
