DAVAO CITY – Dul-an usa ka libo nga mga indibidwal ang nasikop dinhi sa dakbayan sa Davao human nga nakalapas sa curfew ug liquor ban sukad nga gipabalik kini pagpatuman.
Sumala pa kang Davao City Police Office (DCPO) spokesperson Captain Rose Aguilar nga dihang gibalik ang 7 p.m. to 5 a.m. curfew kaniadtong Oktubre 15, nakasikop na sila ug kinatibuk-ang 897 violators.
Samtang sa 24-hour liquor ban nga gibalik kaniadtong Nobyembre 2, mikabat sa 41 violators ang ilang nasikop.
Sagad sumala pa sa mga madakpan mao kadtong anaa sa ilang komunidad.
Hugtanon sab sumala pa karon nga gimonitor sa kapulisan ang tanan lugar sa siyudad kalakip na ang mga gagmay nga mga barangay diin sagad masikop ang mga violators.
Pipila sumala pa niini ang anaa sa gawas sa ilang panimalay.
Nanawagan sab si Aguilar sa publiko nga ipadayon ang pagtamud sa kamandoan diin ang mga curfew-exempted workers, ug essential travels lamang ang ginatugutan panahon sa curfew.
