Nababagan sa mga personahi sa Task Force Davao, inubanan sa kapolisan ug Bureau of Customs, ang dul-an 10Milyon nga smuggled cigarettes atol sa usa ka routine checkpoint operation sa Brgy. Sirawan, Toril, ning dakbayan sa Davao.
Sumala pa sa report sa otoridad, nakita ang kargamento sa Van sa usa ka ilado nga courier company ning dakbayan, apan sa pagsusi sa mga otoridad, nasayran nga wala kini narehistro sa maong kompanya, gipamatud-an usab kini sa area manager sa maong kampanya nga dili sa ilaha ang maong van.
Wala usab sumala pa mapakita nga mga dokumento ang drayber niini.
Nadiskobrehan nga ang van nagdala og 251 ka karton nga smuggled cigarettes nga adunay kinatibok-ang kantidad nga Php 9,861,790.
Anaa na sa kustodiya sa kapolisan ang drayber niini ug mag-atubang og kaso sa pagsupak sa Republic Act 10863 kon Customs Modernization and Tariff Act.
