DAVAO CITY – Mikabat ngadto sa 74,558 ka mga kababayan sa nagkadaiya nga bahin sa nasod ang nakapahimulos sa tinuig nga Bombo Medico sa Bombo Radyo Philippines.
Dinungan nga gipahigayon kagahapon sa tibuok kapupud-an sa Pilipinas ang Bombo Medico 2017 sa nag-una nga mga lugar sa Pilipinas nga dunay Bombo Radyo ug Star FM stations.
Nahimo nga makasaysayan ang gipahigayn nga Bombo Medico gumikan kay ika-singkwenta y uno ka tuig na nga anibersaryo sa kamugna-an sa Bombo Radyo Philippines niadtong tuig 1966.
Gawas sa 38,234 nga nakapahimulos sa serbisyong medikal, anaa sab sa 10,777 ang naka-pahimulos sa dental services, samtang anaa sa 25,547 sab ang nakadawat ug nagkada-iya nga libreng serbisyo, sama sa libreng dentures, wheelchairs, crutches, sungkod, reading glasses, prosthetic hands, massage, haircut ug daghanan pang uban.
Karong tuiga, mokapin sa 9.5 milyones ka pesos nga kantidad sa mga medisina ug uban pa nga health products ug 1.6 ka milyones ka pesos nga kantidad sa dentures, wheelchairs, crutches, canes, reading glasses, prosthetic hands, massage, haircut ug daghanan pang uban.
