Duha sa 20 ka mga OFW sa Sudan gikan Davao Region, luwas nga nakabalik sa rehiyon

DAVAO CITY – Gikumpirma sa Overseas Workers Welfare Administration 11 nga naluwas gikan sa peligro ang 20 ka mga OFW gikan Davao Region nga nagtrabaho sa nasud Sudan nga nag-atubang sa krisis ug gubat.

Sumala sa OWWA 11, duha sa maong ihap ang luwas nga nakauli dinhi sa nasud, samtang 18 ang nagpabiling luwas human sa nahitabong repatriation sa maong nasud.

Nasayran nga parehas nga taga-Tagum City, Davao del Norte ang mga OFWs sa Sudan nga nakauli na sa ilang mga pamilya.

Gikanayon ni Carmelo Elaya, Regional Director sa OWWA 11 nga ginalihok na ang hinabang nga ilang mahatag ngadto sa narepatriate nga mga OFW nga naipit sa gubat tali military ug paramilitary group sa nasangpit nga nasud.

via || Bombo LJF