Duha patay sa sakit nga tipdas sa Mati City

DAVAO CITY   –   Patay ang duha ka mga bata sa Mati City, Davao Oriental gumikan sa sakit nga tipdas. 

Nasayran sa Mati City Information Office nga ang duha ka mga bata kalakip sa baynte kwatro ka mga kaso sa mga measles cases sa Purok Gemilina, Barangay Don Salvador. 

Subay sa report sa City Health Office (CHO) nagsugod ang tipdas niadtong Hulyo nga mi-resulta sa pagka-hospital sa duha ka mga biktima. 

Sumala kang City Information Officer Ben Tisiorna nga nagpahigayon karon ug immunization ang lokal nga kagamhanan alang sa mga residente nga na-apektohan sa tipdas.

Hinoon dunay mga pamilya nga mibalibad sa pagpabakuna gumikan kay suoak kini sa ilang tinuohan.