Gitaktak na sa serbisyo ang duha ka mga sakop sa City Transportation and Traffic Management Office (CTTMO) gumikan sa paggamit ug kambal nga plaka sa ilahang mga motorsiklo.
Giila ang mga nahisgutan nga sila Edwin Buenvinida ug Pedro Pebria. Gi-angkon ni CTTMO head Dionesio Abude misumite sa ilang letter of explanation sila Buenvinida ug Pebria kagahapong adlawa apan tungod kay lig-ong napamatud-an nga nakahimo gayud ug bug-at nga sala ang duruha, hinanali sab silang gipalagpot sa trabaho.
Giangkon hinuon ni Pebria nga siya ang nanag-iya sa nahisgutang plaka apan niadtong 2015 gipangayo sumala pa ni Buenvinida ang plaka sa katarungan nga mopalit daw kini ug iyang kaugalingon nga motor. Dugang pa ni Abude nga tataw nga usaka matang sa dishonesty ang gihimo sa duruha ug nag-atubang sa kasong grave misconduct hinungdan nga daling gi-terminate ang nilang mga contract of services isip mga traffic enforcers. Mibati nug tumang kasayang si Abude sanglit 16 ka tuig na sa serbisyo si Pebria ug hanas na kini sa iyang trabaho isip traffic enforcer.
