Duha ka tiil sa bata naputol human naipit sa kadina

Naputol ang duha ka tiil sa usa ka bata nga wala pa’y usa ka tuig human nga naipit sa kadina sa motorsiklo pasado alas dos ang takna kagahapon sa hapon.

Subay sa inisyal nga report, nahitabo kini sa Agoho, Esperanza, Masbate. Nasayran nga nakaon sumala pa ang lampin nga maoy giputos sa bata samtang gikugos kini sa inahan nga nisakay sa motorsiklo. Tungod sa panghitabo, naipit ang duha ka tiil sa bata ug nalukot sa sprocket sa motorsiklo.

Subay sa post ni Bro Jam, makita niini nga hilabihan ang pagbangutan sa amahan ug inahan sa bata nga gikugos pa ang anak nga wala na’y duha ka mga tiil.