DAVAO CITY – Tropa sa kagamhanan milampus sa pagpugong sa NPA attrocity sa Paquibato, ning dakbayan sa Davao.
Ang 16th Infantry Battalion nakapugong sa bayolente nga NPA attrocity sa dihang nakasangka nila ang wala matino nga gidaghanon sa mga NPA sa Sitio Bajada, Paradise Embac, Paquibato District, ning dakbayan sa Davao sayo kagahapon sa buntag.
Mi-responde ang tropa sa gika-report nga panagtapod sa mga NPA nga nag-plano sa paglusad ug kagubot sa Paquibato District sa dihang sila girakrakan nga misangpot ngadto sa init nga pagbinaylo-ay ug boto sa armas.
Duha ka mga sundalo ang nangamatay, ug lain pang unom ang padayon karon nga gi-atiman sa Panacan Military Hospital.
Nakahimo ang tropa sa kagamhanan sa pagbawi sa usa ka M653 Colt AR18 nga dunay serial number 127538 uban sa usa ka taas nga magazine, duha ka mga jungle bag, usa ka civilian bag, electrical wire; ug uban pa nga mga personal nga kabtangan.
Samtang si Major Gen. Noel Clement, Commander sa Joint Task Haribon mipadayag sa iyang pagdayeg ug pahasubo sa kamatayon sa duha ka mga sundalo uban sa panaad nga padayon nga lotoson ang mga NPA aron nga kapugngan kini sa pagmugna ug kagubot sa komunidad.
