Giaresto sa mga personahe sa Bureau of Immigration ang duha ka langyaw atol sa usa ka manhunt operation niadtong milabayng adlaw sa Tuba, Benguet kalabot sa usa ka Chinese nga nalambigit sa usa ka Philippine Offshore Gaming Operator sa Bamban, Tarlac.
Giila sa ahensya ang mga suspetsado nga sila Wang Keping, usa ka babaye nga 35-anyos ug Khuon Moeurn, lalake nga 37-anyos nga usa ka Cambodian.
Sumala kay BI Intelligence Division Chief Fortunato Manahan Jr. nga nabuhat nila ang operasyon human sa impormasyon gikan sa Presidential Anti-Organized Crime Commission (PAOCC) kalabot sa relasyon sa babaeng Chinese sa POGO.
Nagpagawas og mission order si BI Cpmmissioner Normal Tansingco batok sa babaeng Chinese human kining gitaho nga nagatago sa Tubaa.
Sumala pa ni Manahan nga miabot sila sa lugar og ilahang naabtan ang duha ka langyaw apan ang ilahang target nga Chinese ang wala makita sa lugar.
Matud pa nga ang langyaw nga si Moeurn ang usa diay ka undocumented ug overstaying alien human kining wala magpakita og mga kinahanglang dokumento.
Matud pa nga igo lamang kini nakapakita sa iyahang cambodian passport na valid hangtod niadtong Agosto 2020 lamang.
Sumala pa ni Manahan nga adunay working visa si Wang apan mag-atubang gihapon kini sam ga kaso tungod sa pagtago niini kay Moeurn.
Ang maong duha ka langyaw ang anaa na sa maynila alang sa booling ug kini sila ang magpabilin sa PAOCC samtang ginalihok pa ang deportation proceedings niini.
