DAVAO CITY – Gituohan nga gisilotan sa ilang mga kanhi kaubanang NPA ang nailhan na nga duha ka mga patay nga lawas nga nakaplagan sa Maco, Compostela Valley Province.
Una nang naila ang mga biktima nga sila si Jessie Golis, active CAA nga nadistino sa 72nd IB nga nadistino sa Barangay Don Enrique Lopez, Mati city ug usa ka Juniel Bañez managsama nga mga kanhi rebelde.
Una nang nasayran nga mga alas 5:20 ang takna sa buntag kagahapon Hunyo 27, 2018, ang Maco Municipal Police Station nakadawat ug tawag sa telepono gikan sa usa ka Romel Lubiano, Barangay Chairman sa Barangay Anislagan nga mipahibalo nga nakaplagan nila ang patay nga lawas sa mga biktima hadoul sa National Highway sa Purok 4, Anislagan, Maco, ComVal Province.
Human madawat ang impormasyon, ang PNP personnel sa nahisgutan nga Police Station sa pagpanguna sa usa ka PCI Gomersendo Diwata II, Chief of Police sa dapit misuta sa dapit ug mitawag dayon sa Compostela Valley Provincial Crime laboratory aron sa pagproseso sa crime scene.
Sa pasi-una nga imbestigasyon nasayran nga ang mga biktima nakahi-agum ug samad pinosilan sa ilang mga ulo ug gituyo sa paglabay sa dapit.
Gipahayag sa mga residente sa dapit nga wala sila makabati ug boto sa armas sa lugar, apan mga ala 1:00 sa kaadlawon nahi-agi sa dapit ang usa ka trak ug daw dunay gipanghulog.
