DAVAO CITY – Wala na makaikyas pa sa mga sakop sa Tagum City Police ang mga suspek nga nalambigit sa pagpahuyot ug ilegal nga droga.
Sila alyas “Ken” 27 anyos, taga Purok St. Therese, Barangay Visayan Village; ug si alyas “Miko” 19 anyos, taga Purok RTU Esmeralda, Barangay Apokon Tagum City, parehong sikop sa gipahigayong buy bust operation sa Barangay Visayan Village, Tagum City, Davao del Norte, kagahapon sa kaadlawon.
Nakuhaan ang mga dinakpan ug mga pakete nga dunay sulod nga gituuhang shabu nga punto saisenta gramos ang gibughaton ug mubalor sa P4,080 ang kantidad.
Balhug na karon sa Tagum City Police Station ang mga dinakpan nga mag-atubang karon ug kasong paglapas sa Republic Act 9165 kon ang Comprehensive Dangerous Drugs Act of 2002.
via || Bombo LJ Florendo
