DAVAO CITY – Duha ka lalaki nga naghupot ug mga dagkong armas ang gilusong sa mga otoridad kagahapon sa may Purok 2, Sityo Magum, Barangay Macambol, Mati City, Davao Oriental.
Atol sa gipagawas nga search warrant sa Mati Police Station, nasakmit sa gipahigayong operasyon ang usa ka ka kalibre punto bayte-dos nga rifle, lima ka mga improvised rifle, usa ka shot gun, ug daghang klase-klasing mga bala nga gipanag-iyahan ni Roldan Garing, alyas “Tig-tig,” 47 anyos.
Samtang gilunsong sab ang balay sa usa ka Sonny Boy Comapon, 42 anyos, nga nanag-iya sa nasignit nga improvised rifle, usa ka airsoft rifle, usa ka punto kawarentay singko nga pistola ug mga bala.
Wala na mipalag pa sa mga otoridad ang mga suspek hinungdan sa ilang pagkatanggong karon sa prisohan.
Samtang, ginahikay na sab ang mga kasong ipasaka ngadto sa mga suspek.
via || Bombo LJ Florendo
