-- ADVERTISEMENT --
DAVAO CITY – Sikop ang duha ka lalake nga sila alyas Goy, 30 anyos, usa ka helper ug si alyas Loloy, 27 anyos nga usa ka construction worker, susamang mga residente sa Barangay Panacan ning dakbayan sa Davao gumikan sa paghupot ug pagpamaligya og iligal nga druga.
Nadakpan ang nahisgutang mga suspek sa kilid sa Panacan Public Cemetery kaganinang alas 12:24 sa tungang gabii, Agosto 24. Nakumpiska sa mga suspek ang usa ka pakete sa gituohang marijuana nga mukabat sa 3.61 grams ang gimbig-aton.
Paslak na karon sa presohan ang duha ka indibidwal ug gikatakdang mag-atubang og kasong paglapas sa RA 9165 o Comprehensive Dangerous Drugs Act of 2002.
