DAVAO CITY – Nasikop pinaagi sa usa ka hot pursuit operation ang duha ka lalaki nga matud pa niransak sa usa ka opisina sa security agency sa McArthur Highway, Matina, Davao City, niadtong Huwebes sa gabii.
Giila sa mga sakop sa Maa Police Station ang mga dinakpang sila Randy Echavia Lim ug Robert Villabas Oliveros alyas “Ren”, hamtung ang panuigon, pulos taga-Leon Garcia, Agdao, Davao City.
Gilusong sa mga otoridad ang balay ni Lim dihang ilang naplagan ang mga kinawat nga gamit na gikan sa giransak nilang opisina; sama sa pistola, magazine, projector, ug 45 ka mga buhing bala.
Samtang laing 9mm ka pistola sab ang nasignit gikan sa inahan sa usa sa mga suspek nga si alyas “Ren.”
Gi-turn over na sa kapulisan ang mga kinawat nga kabtangan samtang posibleng mag-atubang ug kasong Robbery ang mga dinakpan nga kasamtangang ginabantayan sa selda sa Maa Police Station.
via || Bombo LJ Florendo
