DAVAO CITY – “Chōten de!” Kon, “at the top” sa pinulungang Hapon.
Duha ka mga Hapones ang malampusong naabot ang pinakataas nga buntod sa Pilipinas, ang Mount Apo.
Gipasidunggan sa Sta. Cruz Municipal Tourism Office ang magtiayon nga sila Chishiho Okada ug Hiromi Matsumuto, pulos 79 anyos ang pangidaron.
Sila ang duha sa 13 ka mga trekkers, nga pulos senior citizens, ang nakalatas sa Sta. Cruz Trail sa maong atraksyon gikan Enero 21 hangtod 23, ning tuiga.
Tungod niini, namatikdan sa tourism officer sa lungsod nga si Julius Paner ang pagsulay sa mga katigulangan nga musaka paingon sa pinakataas nga parte sa nasud.
Gumikan niana, nagadani kini sa ubang mga senior citizens nga sulayan kini isip recreational activity.
Kahinumdumang Pinoy ang nakagunit sa record isip pinakatigulang nga nakatungha sa taas sa Mount Apo niadtong Setyembre sa nakalabayng tuig nga mao si Pascacio Carcedo, sa idad nga 83 anyos.
via || Bombo LJF
