DAVAO CITY – Nakumpiska ang anaa sa kapin P115,000 nga ilegal nga droga atol sa gikasang one time big time operation sa may Barangay Nueva Visayas, Mawab, Davao de Oro.
Giila sa Mawab Municipal Police ang mga suspek nga sila Sammy Latu-ab ug Kiein Sarancalao, puro taga-Tagum City, Davao del Norte.
Una nang napalitan ang mga suspek ug isa ka pakete sa gidudahang shabu dihang pag-rekisa kanila sa otoridad, nasuta sab ang mga dagkong pakete sa droga, usa ka kalibre punto kwarentay -singko nga pistola ug usa ka granada.
Gisagop sab ang ilang kaubanang menor de edad nga babaye atol sa operasyon.
Mag-atubang ug patong-patong nga kasong Republic Act 9165 kon Comprehensive Dangerous Drugs Act of 2002 ug Republic Act 10591 kon Comprehensive Firearms and Ammunition Regulation Act ang mga dinakpan.
via || Bombo LJ Florendo
