DAVAO CITY – Ipailalum sa ballistic examination Sa Davao del Norte Crime Laboratory ang duha ka mga armas nga nakaplagan sa usa ka mag-uuma sa iyang uma nga gitago sa kasabotan ang nahisgutan nga mga hinagiban.
Sumala pa kang PSI Rosendo Mendoza, ipailalum sa Ballestic Examination ang nahisgutan nga mga armas sa aron nga masuta kung ang nahisgutan nga mga armas nagamit sa mga shooting incident sa bisan asa nga bahin sa rehiyon unse.
Padayon nga ginasuta karon sa Carmen Police Station kung kinsa ang nanag-iya sa duha ka mga armas nga gitagu-an sa kasagbotan nga bahin sa Purok 6, Barangay Ising, Carmen, Davao del Norte.
Nadiskobre ang duha ka mga armas sa uma sa usa ka Rudy Deaño.
Sumala sa kapolisan sa Carmen nga nadiskobre ang nahisgutan nga mga armas, samtang mihimo ug inspeksyon sa iyang kalubihan si Deaño ug nadiskobre doul sa puno-an sa tar apple ang Springfield nga armas, magazine nga kargado ug unom ka mga bala, ug usa ka taya-on nga colt 45 1911-AI US Army ug magazine nga kargado ug unom ka mga bala.
Wala pa matumbok kung kinsa ang nanag-iya sa nahisgutan nga armas.
