Gipahibalo sa Social Security System (SSS) ang contribution hike alang sa mga miyembro niini nga magsugod na karong bulan sa Enero 2025.
Sumala kang SSS Acting Head Carlo Villacorta, ang rate sa kontribusyon ang mosaka sa 15% gikan sa kanhi nga 14% kini isip kabahin sa mga lakang sa ahensya nga palig-unon ang pondo sa pensiyon nga gipagadagan sa gobyerno.
Ang kabag-ohan makaapekto dili lamang sa mga employer ug empleyado, kundi lakip na usab sa mga katabang, mga self-employed, mga boluntaryo nga miyembro ug mga land-based nga Overseas Filipino Workers (OFWs).
Ilawom sa bagong sistema, makabaton og kabag-ohan sa Monthly Salary Credits (MSC) ang mga trabahante ug employer sa pribado nga sektor, nga nagtakda kung pila ang ilahang kontribusyon sa SSS.
Pananglitan niini, ang mga employer ug empleyado, self-employed, mga boluntaryo, ug ang spouse members nga wala nagtrabaho diin ang MSC ang mosaka sa P5,000 nga adunay maximum nga P20,000.
Samtang ang mga katabang nga adunay MSC nga P1,000 ug adunay maximum nga P20,000.
Sa land base OFW member usab adunay MSC nga P8,000 nga adunay maximum usab nga P20,000.
Pagpasabot ni Villacorta ang pagsaka sa singil sa contribution tubagon ang mamahimo nga pag-ubos sa pondo sa ahensya ug aron nga mapataas ang financial fund niini nga mamahimong magdugay sumala pa hangtod sa tuig 2053, gumikan sa kasamtangan nagahatag ang SSS og mga benepisyo sa kapin 13 milyon nga mga trabahante sa nasud.
Gipaklaro usab sa SSS nga ang kadaghanan nga empleyado nga mukita sa dili mosubra sa P25,000 matag bulan, dili maapektuhan ang ilahang take-home pay, gumikan ang mga employer ang motubag sa pagsaka sa kontribusyon.
Ingon man, ang mga negosyo ang makasinati ug dugang gasto sa operasyon, nga mamahimong hagit alang sa mga gagmay nga negosyo.
