DAVAO CITY – Mi-deploy ang Eastern Mindanao Command ug dugang peacekeeping batallion ngato sa 4th Infantry Division aron motabang sa paglutos sa rebelding grupo nga New Peoples Army.
Ang 65th Infantry (Stalwart) Battalion sa 9th Infantry Division, sa pagdumala ni Ltc. Richard B. Rabaca, pormal nga gidawat sa headquarters sa 4th Infantry Division.
Gawas sa ilang tradisyunal nga military operations batok sa hulga sa rebelding grupo, ang 500-strong unit mo-abag alang sa pagpalig-on pa sa katakos sa kasundaluhan pagtubag sa nagkadaiyang mga kalamidad.
Gawas niini, mopatuman usab ang batallion ug community-based dialogues aron malamdagan ang mga residente sa mga programa sa gobyerno nga mo-counter sa propaganda sa NPA.
Mismong si Brig Gen Cristobal Zaragoza, assistant division commander, maoy mi-welcome sa mga opisyal sa 65th IB isip representante ni Maj. Gen Ronald Villanueva, ang 4th Infantry Division commander.
