DAVAO CITY – Gibutyag ni Davao City Mayor Inday Sara Duterte-Carpio nga gi-refer na nila ngadto sa Department of Health (DOH) 11 ang dugang pa nga mga pamaagi aron nga mapasabot pa pag-ayo ngadto sa publiko ang kalabot sa nasinatian nga Covid-19 pandemic.
Tipik lamang ang pahayag sa Mayor dihang gipangutana kini kalabot sa pagtoo sa pipila ka mga indibidwal nga wala sumala pay Covid-19.
Sumala sa Mayor, mas maayo matud pa nga ang mga doktor mismo ug personahe sa DOH ang magpasabot kalabot sa maong balatian gumikan kay kung siya lamang ang mohatag ug pahayag kalabot sa Covid-19, daghanan matud pa ang dili motuo sanglit usa siya ka Mayor ug dili doktor.
Kahinumduman nga aduna sumala pay mga dili magsuot ug facemask ilabi na ang pipila ka mga taxi driver gumikan sa ilang pagtuo nga walay virus ug gihimo lamang sumala pa kini aron nga makakwarta ang mga doktor.
