DAVAO CITY – Gisugdan na sab karon ang operasyon sa bag-ong swabbing center sa dakbayan nga nahimutang sa Brgy. Mintal Gym ning siyudad.
Kahinumduman nga buot karon sa siyudad dungagan ang mga swabbing area kini aron nga dali na lamang ang pagpahigayon ug swab test sa mga indibidwal nga posibleng nakahimamat ug mga tawo nga nagpositibo sa covid-19.
Gawas sa nahisgutan nga dapit, una na sab nga nagpaghimutang ug swabbing area sa Shanghai Gym sa Matina Aplaya; Daniel Perez School sa Bunawan.
Una ng mihatag ug katin-awan ni Michelle Schlosser, Covid-19 Task Force spokesperson, nga tumong sa nahisgutan nga lakang nga dili na moadto pa sa Crocodile Park ingon man sa Sta. Ana swabbing center ang mga nanimuyo sa nahisgutan nga mga dapit nga layo sa downtown area.
Sa kasamtangan gipalig-on na sab sumala pa sa lokal nga kagamhanan ang molecular laboratory nga nahimutang sa Davao airport ug sa usa ka hospital ning dakbayan aron nga mas daghanan pa nga specimen ang ilang ma-proseso matag adlaw.
