DAVAO CITY – Nagpadayon ang gihimong pagpaningkamut sa lokal nga kagamhanan aron lamang mapugngan ang padayon nga pagsaka sa kaso sa mga natakdan ug covid-19.
Una ng gibutyag ni City Health Office (CHO) acting head Dr. Ashley Lopez nga usa sa mga lakang nga ilang gihimo sa kasamtangan mao ang pagdugang ug 12 pa ka mga swabbers aron nga madungagan sab ang ilang mapailalom sa swab test matag adlaw.
Sa kasamtangan, gi-andam na matud pa nila ang emergency hiring diin puwede sumala pa sa maong posisyon ang mga under board o bisan allied medical sciences o laboratory aide basta kay interesado ang mga nahisgutan nga mo-apply isip o mopailalom sa training.
Una na sab nga gikumpirma sa opisyal nga adunay mga swabbers ang natakdan sab ug Covid-19 hinungdan nga naapektohan sab ang ilang operasyon.
Gikanayong wala gilayon nasugdan ang operasyon sa swabbing site sa Magsaysay Park gumikan kay kulang pa ang ilang mga swabbers.
