DAVAO CITY – Laoman nga madungagan pa ang kapasidad sa Southern Phippines Medical Center (SPMC) sa pag-test diin quadruple ang laoman niini human ang donasyon sa duruha pa ka real-time reverse transcription-polymerase chain reaction (RT-PCR) machines gikan sa mga pribadong sektor.
Sumala pa kang SPMC medical professional staff chief Dr. Ricardo Audan, ang RT-PCR machines gidonar sa conglomerate San Miguel Corporation (SMC) ug Ayala Group of Companies diin mamahimong makapahigayon kini ug tests nga 1,000 samples matag adlaw.
Gikanayon ni Audan nga ang hospital nakadawat ug makina diin laoman nga ila na kining gamiton gawas sa kasamtangan nga RT-PCR machines nga anaa sa hospital.
Gi-angkon sa health official nga tungod sa pagsaka sa kaso sa Covid-19 sa Davao Region, kinahanglan gayud nga aduna pay dugang nga RT-PCR machines.
Kahinumduman nga ang SPMC ug Davao Regional Medical Center (DRMC) ang duruha ka mga hospitals sa rehiyon nga accredited sa DOH-Research Institute for Tropical Medicine nga makapahigayon ug Covid-19 tests.
