DAVAO CITY – Napun-an pa gayud ang mga modernong ekipo sa Philippine Drug Enforcement Agency (PDEA) eleven nga mao ang ilang gamiton sa pagpatuman sa war on drugs campaign sa administrasyong Duterte.
Gilangkuban kini sa baynte otso ka mga Galil rifle nga gipalit sa Israel, napulo ka unit sa body camera, modular type vest, duha ka mga ballistic shield, tulo ka unit sa drone, DSLR Camera, ug computer units, mga sakyanan ug motorsiklo.
Sumala pa kang PDEA Eleven Director Antonio Revira, ikaduha ka batch kini sa mga gamit nga nadawat sa PDEA gikan sa national headquarters aron nga magamit sa mga agents.
Sa kasamtangan mokapin na sa kwarenta y singko ka mga body camera ang gipanag-iya sa PDEA Eleven.
Paglabay sa unom ka bulan dugangan na sab ang mga sakyanan sa PDEA.
