DAVAO CITY – Gilauman nga mamahimo na nga mas paspas ang pagresponde sa kabomberohan sa rehiyon unse human mapun-i ug unom ka mga fire truck, diin mikantidad ug P102 milyones ka pesos.
Pormal kini nga gi-presenta sa publiko atol sa ceremonial turnover.
Sumala pa kang Fire Senior Supt. Wilberto Rico Niel Kwan Tiu, Regional Director sa Bureau of Fire Protection (BFP) 11 gikan sa ilang National Headquarters ang bag-o nga mga fire truck ug daku ug ikatabang sa paningkamot sa mga bombero nga makapalong dayon ug kalayo.
Gikompirma sab sa BFP nga ang nahisgutan nga fire truck mao ang gipalit sa kagamhanang Aquino gikan sa Austria pinaagi sa bilateral investment agreement niadtong Abril 2002.
Kini sab ang hinongdan nga nataktak sa pwesto si kanhi DILG Secretary Ismael Sueño.
Gipasigarbo ni Tiu ang mga Rosenbauer Fire Truck nga gina-ambisyon sa uban nga mga nasod nga maangkon sab. Ang nahisgutan nga mga fire truck ipang-apod-apod sa mga dakbayan ug kalungsuran sa rehiyon unse.
Duha sa mga fire truck ihatag sa dakbayan sa Davao, usa ang sa Island Garden City of Samal, ug Panabo, ingon man sa mga lungsod sa Malita, sa Davao Occidental ug sa Nabunturan, Compostela Valley Province.
