-- ADVERTISEMENT --
DAVAO CITY – Gisugdan na kagahapong adlawa ang biyahe sa 14 ka mga bus nga kabahin sa Interim Bus System sa siyudad nga giilang dakong tabang aron nga maalibyohan ang kawad-on ug mga pampasaherong sakyanan sa siyudad partikular na sa mga hilit nga lugar.
Kahinumduman nga mikabat sa 14 ka mga bus unit ang nagsugod na sa ilang biyahe kagahapong adlawa diin nanukad kini sa Catalunan Grande ning siyudad.
Mismong si Mayor Sara Duterte-Carpio ug uban pang opisyal sa kagamhanan ang nanguna sa launching sa pag-arangkada sa IBS nga kabahin sab sa transport modernization sa dakbayan.
Nasayran nga cashless ang pagsakay sa nahisgutan nga mga bus sanglit beep card lamang ang gamiton sa pasahero padulong sa ilang destinasyon.
