DAVAO CITY – Isip kabahin sa pagpaningkamut sa lokal nga kagamhanan nga paspasan ang gipahigayon nga pagbakuna sa mga nag-edad ug 5 ngadto na sa 10 anyos, gikatakda sumala pa nga ablihan sa mosunod nga semana ang dugang pa nga mga district vaccination sa siyudad nga mo-cater lamang ug vaccinees ilalom sa nahisgutan nga age group.
Kahinumduman nga sa milabay nga lunes tulo ka mga special vaccination sites ang gi-ablihan sa dakbayan kini aron mudawat ug mga bata nga magpabakuna kansa nanimuyo sa downtown area.
Samtang pipila sa mga District vaccination alang sa nag-edad 5-11 anyos ang gilangkuban sa F. Dizon Elementary School sa District 1; Abreeza Mall sa District 1; SM Lanang sa District 2; GMall sa district 3; ug Holy Cross Calinan sa district 3.
Laraw niini nga mapalapdan pa ang coverage sa pagbakuna ug dali nga maangkon ang target sa ihap sa mga bata nga mabakunahan.
Una niini, nagpasalamat ang Davao City Covid-19 Task Force sa mga ginikanan nga wala nagduha-duha nga pabakunahan ang ilang mga anak atol sa unang adlaw sa roll out niini sa milabay nga lunes.
Gipahinumduman sab ang mga parents ug guardian nga dad-on lamang ang mga gikinahanglan nga mga rekisitos sa bata ayha muadto sa mga vaccination sites.
