DAVAO CITY – Laing batch na sab ang ipailalom sa pagbansay ugmang adlawa alang sa mga mi-apply isip contact tracers sa siyudad diin anaa kini sa 500.
Sa kasamtangan, gipailalom na ang pipila ka mga contact tracers sa hugtanon nga pagmonitor sa ilang performance kini aron masiguro nga nasabtan sumala pa sa mga nahisgutan ang ilang mamahimong tahas.
Kahinumduman nga nanginahanglan karon ang Department of the Interior and Local Government (DILG) ug daghanang contact tracers kini aron mapadali ang pagpangita sa mga tawo nga gikatahapan nga positibo sa Covid-19 o dili ba kaha adunay mga nakahimamat nga natakdan sa maong kagaw.
Sa kinatibuk-an, anaa na matud pa 700 ka mga contact tracers ang natala karon sa DILG diin ang uban niini ang gikatakda na nga ipakatag sa mga nagkadaiyang barangay sa siyudad.
Una na sab nga gibutyag ni Julinda Acosta, Technical Division Chief sa CHO, nagapahigayon sila ug evaluation human ang training kini aron masubay kung nasabtan sa mga nahisgutan ang ilang trabahi sa higayon nga ipakatag na sila sa mga nagkadaiyang barangay sa siyudad.
