DAVAO CITY – Ipadala gilayon ang pipila ka mga bakuna batok Covid-19 sa Davao Oriental aron nga makapadayon sa ilang vaccination program dungan sa pag-abot niini sa dakbayan.
Sumala pa kang Department og Health (DOH) director Annabelle P. Yumang, tungod kay nagkataas sab ang kaso sa Davao oriental, kinahanglan nga makapadayon gilayon ang lalawigan sa pagbakuna sa ilang katawhan.
Kahinumduman nga mikabat sa 105,300 doses sa Pfizer vaccines ang miabot sa siyudad sa Davao International Airport (DIA) kini pinaagi sa Philippine Airlines commercial flight.
Una ng nasayran sa Department of Health (DOH) 11 regional office nga sa milabay nga adlaw, kinatibuk-ang 44,800 doses sa Sinovac CoronaVac vaccines ang miabot sa DIA.
Gilayon sab dayon gidala sa cold storage room sa DOH 11.
Ang nahisgutan nga mga bakuna ang alang sa first dose ug second dose sa A1, A2, ug A3 groups.
Sa kasamtangan, mikabat na matud pa sa 537, 350 doses sa COVID-19 vaccines ang nadawat sa dakbayan sukad nga gisugdan ang pagbakuna sukad kaniadtong milabay nga bulan sa Marso.
