DAVAO CITY – Napahimutang na ang mga bus stops sa lokal nga kagamhanan alang sa pagpatuman sa high priority bus system (HPBS) alang sa inisyal nga pagpatuman niini gikan sa Catalunan Grande padulong sa Downtown Area.
Gitataw ni City Transport and Traffic Management (CTTMO) head Deonesio Abude nga mopahimutang sila ug setenta y dos ka mga bus stop sa nahisgutan nga rota ug baynte kwatro ka mga bus ang magsubay sa nahisgutan nga rota.
Manukad ang bus sa Catalunan Grande dayon mo-agi sa Diversion Road mo-right turn sa Maa, Mac Arthur Highway, Quirino ug sa Roxas Avenue.
Sa pagblik sa Catalunan Grande ang nahisgutan nga bus mosubay sa Quimpo Boulevard ug Mac Arthur Highway.
Ang mga City Bus nga gigamit sa dakbayan sa Davao ubos ug salog ug sayon lamang sa mga PWD nga mosakay gumikan kay dali lamang ang pagtikang niini.
