DAVAO CITY – Gikatakda na sab nga bakantehon ni Davao City Police Office (DCPO) director Sr. Supt. Michael John Dubria ang iyang posisyon.
Kahinumduman nga una ng gibutyag ni Police Director General Ronald Dela Rosa nga kuhaon niya si Dubria aron iyang himuon nga senior executive assistant sa Philippine National Police (PNP) headquarters sa Camp Crame, Quezon City, Metro Manila.
Matud pa sa PNP chief nga kasamtangan nga assistant nga si Sr. Supt. Alden Delvo, nga usa sab ka kanhi Davao-based officer ang idestino sa police regional command sa Calabarzon.
Gikanayong trabaho sa senior executive assistant mao ang pag-assist sa PNP chief sa tanan nga mga aktibidad, appointments ug mo-asikaso sa tanan nga mga dokumento nga gikan sa sulod ug gawas sa buhatan sa PNP chief.
Una ng gibutyag ni dela Rosa nga ibalhin na sab sa kampo crame si Sr. Supt. Antonio Rivera, DCPO deputy director for administration nga usa sa gilambigit sa Davao Death Squad.
Huptan ni Rivera ang posisyon isip deputy chief sa unit nga motutok sa mga “permit to carry firearms outside of residence”.
Gikanayon sab ni Chief Supt. Marcelo Morales, deputy regional director for administration, nga aduna nay plano kaniadto nga ibalhin si Dubria sa Camp Crame.
