DAVAO CITY – Nanangatungdanan na ang bag-ong OIC Davao City Police Office (DCPO) Director Police Senior Supt. Valeriano De Leon nga mao ang mihulip kang Police Senior Superintendent Michael John Dubria kinsa opesyal nga mi-turned-over sa iyang posisyon kagahapon sa mga alas tres sa hapon, March 24, ngadto kang Police Regional office (PRO)-Davao Senior Superintendent Valeriano De Leon, nga temporaryo nga molingkod isip officer-in-charge.
Si Dubria, kinsa gipahimutang isip DCPO director sa milabay nga Hunyo 24, 2016 gipasidunggan pinaagi sa “Medalya ng Kasanayan” isip pag-ila sa iyang outstanding performance atol sa iyang siyam ka bulan nga termino.
Usa ka plaque of appreciation ang gihatag ngadto kaniya gumikan sa epektibo nga pagdumala sa operation ug administration.
Gipasidunggtan si Dubria gumikan sa iyang liderato sa tali sa iyang mga personahe ug sa suporta ngadto sa regional director sa PRO-Davao sa pagmintina sa kahusay ug kalinaw sa dakbayan.
Atol sa Armed Forces of the Philippines/Philippine National Police (PNP) forum nga gipahigayon sa DCPO conference hall, si Dubria mipasigarbo sa performance sa iyang mga police officers ubos sa iyang termino lakip na ang wala pagsalmot sa illegal activities ug wala bisan usa sa iyang kapolisan ang nagpositibo sa sunod-sunod nga surprise drug test.
Una nang gipahayag ni Dubria nga ang panghitabo nga dili gayud niya gikalimtang ubos sa iyang termino mao ang Roxas Night Market bombing.
Ang nahisgutan nga kasenati-an dakung tabangf kaniya samtang mangatungdanan isip senior executive assistant sa PNP Chief Director General Ronald dela Rosa sa Camp Crame.
Samtang si Police Senior Superintendent Marvin Manuel Pepino mao na karon ang bag-o nga Provincial Director sa lalawigan sa Compostela Valley samtang si Senior Superintendent Thor Cuyos mao ang nangatungdanan isip bag-o nga Provincial Director of the Davao Occidental Police Provincial Office.
