DAVAO CITY – Laraw karon sa Department of Tourism (DOT 11) nga mapasaka pa ang tourist arrivals sa dakbayan karung tuiga ug 10 porsyento.
Sumala pa kang DOT Regional Director Tanya Rabat-Tan nga gibase sa DOT 11 ang target increase nga 10 percent gikan sa 1.3 million arrivals sa milabay nag tuig.
Nasayran kang Tan nga sa milabay nga 2019 ang rehiyon, natala ug 5.2 million tourist arrivals, apan miubos kini ug 70 percent kaniadtong 2020 uban ang 1.4 million ug subli nga miubos sa milabay nga 2021 uban ang 1.3 million tourist arrivals.
Gipasabot ni Tan nga laraw sa DOT 11 nga maangkon ang target tourist arrivals karong tuiga pinaagi sa intra-regional travels ug mangabli ug dugang pa nga flights.
Samtang gikanayon ni Tan nga nakatala ang rehiyon ug kinatibuk-ang 224 foreign tourists nga miabot sa Davao International Airport (DIA) gikan sa period nga Pebrero 11 hangtud 23, 2022.
Sa pikas nga bahin gikanayon ni Tan nga atol sa International Travel Festival nga gipahigayon sa Cebu, nakighinabi sumala pa sila sa pipila ka mga airlines nga nagpadayag ug interes nga ipadayon ang ilang flights apan wala pa sila mihatag niini ug dugang pa nga detalye.
