DAVAO CITY – Gitino sa Department of Trade and Industry (DTI) nga ang mga gi-import nga mga semento gikan sa nagkadaiyang nasud sa Asya pinaagi sa Davao Port ang anaa sa maayong kalidad.
Matud pa kang Trade and Industry Davao assistant regional director Edwin Banquerigo, ang importation sa semento pinaagi sa Davao Port ang ipadala sa mga nagkadaiyang area sa Mindanao sukad nga gisugdan ang Build, Build, Build project sa kasamtangan nga administrasyon.
Gitataw sab ni Banquerigo nga sa bulan lamang sa Enero 2018, aduna nay kinatibuk-ang 800,000 ka mga bag sa semento ang natalag miabot sa Davao Port.
Gipasalig sab sa nahisgutan nga gawas sa maayong kalidad, nagapahigayon sab sila ug monitoring sa procedures ug standards.
Sukad Hunyo hangtud Disyembre 2017, kinatibuk-ang 5milyones ka mga semento sa bag ang gi-import sa Mindanao pinaagi sa Davao Port.
Ang nahisgutan matud pa nga bag ang naggikan sa China, Vietnam, Thailand, ug Indonesia.
